Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Dinsdag, 27 Oktober 2026 Hier is tans 139 971 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die nasionale vlag van Griekeland (Grieks: Σημαία της Ελλάδας, Simaía tis Elládas), waarna algemeen verwys word as die Blou-en-wit (Grieks: Γαλανόλευκη, Galanólefki) of die Siaan-en-wit (Grieks: Κυανόλευκη, Kyanólefki), is op 22 Desember 1978 amptelik in gebruik geneem en word as een van Griekeland se nasionale simbole erken. Dit vertoon nege horisontale bane in wit en blou afgewissel met ’n wit Griekse kruis op ’n blou agtergrond in die skildhoek wat Christendom verteenwoordig. Die blasoen (heraldiese beskrywing) van die vlag is asuur, vier bane in silwer; in die skildhoek ’n Griekse kruis. Die vlag se blouskakering het in gebruik verander, insluitende helder- en donkerblou, laasgenoemde word sedert die laat 1960’s meer gebruik. Die vlag is op 13 Januarie 1822 vir die eerste keer deur die Eerste Nasionale Vergadering by Epidaurus in gebruik geneem. Die amptelike vlagverhouding is 2:3.

Alhoewel die nege strepe geen amptelike betekenis het nie, verteenwoordig hulle volgens die gewildste interpretasie die lettergrepe van die frase Ελευθερία ή Θάνατος (“Vryheid of die Dood”): die vyf blou bane vir die lettergrepe in Ελευθερία en die vier wit bane vir dié in ή Θάνατος. Daar word ook gesê dat die totaal van nege bane die letters van die woord ελευθερία (“Vryheid”) verteenwoordig. Wit en blou kan ook die Griekse hemel en meer se kleure verteenwoordig.

...lees verder

In die nuus

Die FIA kondig 'n ooreenkoms met Rwanda aan, waarvolgens dié land vanaf 2030 vir tien jaar 'n Afrika Grand Prix mag aanbied. Suid-Afrika beywer hom steeds vir 'n terugkeer van die Suid-Afrikaanse Grand Prix.
Die 2026-Nobelprys vir Vrede word toegeken aan die Suid-Afrikaanse juris en menseregteaktivis Navi Pillay "vir haar pogings om vrede en internasionale reg te bevorder".
Die Internasionale Krieketraad en Krieket Suid-Afrika maak die Krieketwêreldbeker 2027 se wedstrydskedule in Kaapstad bekend; dié toernooi sal op 2 Oktober in Windhoek begin en die eindstryd sal ná ses weke se wedstryde in Suid-Afrika, Zimbabwe en Namibië op 21 November op Wanderers in Johannesburg beslis word.
'n Reeksmoordenaar is moontlik in die Oos-Rand-gebied in Gauteng, Suid-Afrika, aktief. Die lyke van twaalf vrouens is sedert Julie 2026 gevind.
Op Griekwapark in Kimberley klop die verdedigende kampioen Griekwas tydens die eindstryd van die Curriebeker 2026 die Pumas met 23–16 en palm sodoende hul vyfde titel in.

Het u geweet...

... dat die "Kop"-paviljoen by Liverpool se Anfield-stadion vernoem is in eerbied van die Slag van Spioenkop? 300 Britse soldate het in die slag gesneuwel en 1 653 is gewond. Teenswoordig is dit die gewoonte in Engels om na enige steil paviljoen as 'n "kop" te verwys.

... dat Keulen in Duitsland naas die Franse stad Bordeaux in die 13de eeu die grootste uitvoerhawe vir wyn was? Engeland was een van die vernaamste bestemmings. Vandag is die stad beter bekend vir sy bier, Kölsch, wat ook die naam van die plaaslike dialek is.

... dat party stowwe se smelt- en stoltemperature nie ooreenstem nie? Alhoewel seewierjellie by 85 °C smelt, sal dit eers stol wanneer dit tot tussen 32 en 40 °C afgekoel het. Dit kan dus tussen 32 en 85 °C 'n vastestof of 'n vloeistof wees; 'n verskynsel wat bekend staan as histerese.

... dat die katedraal van Straatsburg, met sy toring van 142 meter, wat in 1439 in Straatsburg voltooi is, sover bekend tot 1874 die hoogste gebou ter wêreld was?

... dat Tsutomu Yamaguchi die enigste persoon is wat beide die atoombomontploffings op Hirosjima en Nagasaki oorleef het?

Vandag in die geskiedenis

27 Oktober: Onafhanklikheidsdag in St. Vincent en die Grenadine (1979); Vlagdag in Griekeland.

1492 – Christophorus Columbus ontdek Kuba tydens sy eerste ontdekkingstog.
1795 – Die Verenigde State en Spanje teken die Verdrag van Vriendskap, Limiete en Navigasie, wat die grense tussen die Spaanse kolonies en die Verenigde State bepaal.
1917 – Gebore: Oliver Tambo, anti-apartheidsaktivis, stigterslid van die ANC-jeugliga en van 1967 tot 1991 voorsitter van die African National Congress.
1946 – Die Franse Unie word geskep.
1998 – Gerhard Schröder word kanselier van Duitsland.