Dobrodošli v Vikipediju, svobodnu enciklopediju, ktoru vsekto može tvoriti.

Tutčas ona imaje 1,762 člankov na medžuslovjanskom jezyku.

Kako koristati tutu viki?

Članok s zvězdoju

Obraz «Poběda, o, Bože!» (1871) Džona Evereta Mile izobražaje Mojseja s paloju v rukah.

Mojsej je byl hebrejskym prorokom, učiteljem i liderom podolg abrahamičskoj tradicije. On slyne samym važnym prorokom v judaizmě i samaritanizmě, a takož jednym iz samyh važnyh prorokov v hristijanstvě, islamě, věrě Bahaji i drugyh abrahamičskyh religijah. Podolg Biblije i Koranu, Mojsej je byl vodžem izraeljcev i zakonodateljem, ktoromu pripisyvaje se proročsko stvorjenje Tory (prvyh peti knig Biblije).

Podolg 2. knigě Mojseja, Mojsej urodil se v tamtoj čas, kogda jego narod, izraeljci, porabovano menšinstvo, povyšal svoju čislnost, i v rezultatu egiptsky faraon je ostrěgal se, že oni mogut sjediniti se s vragami Egipta. Hebrejska mati Mojseja, Johebeda, tajno je skryla jego, kogda faraon prikazal ubivati vsih novonarodženyh hebrejskyh mladčikov, da by smenšiti čislnost izraeljcev. Prěz dočeru faraona děte je bylo adoptovano kak neznajemo děte iz Nila i rastlo v kraljevskoj rodině. Poslě ubijstva egiptskogo rabovlastnika, izbivavšego hebreja, Mojsej uběgl prěz Črveno morje v Madian, kde on je sustrětl se s angelom Božjim, ktory govoril s njim iz gorečego kusta na gorě Horeb, ktoru on mněl Goroju Božjeju.

Bog odpravil Mojseja nazad v Egipt, da by požedati osvobodženje izraeljcev iz rabstva. Poslě Deseti kar Mojsej vozglavil Izhod iz Egipta prěz Črveno morje, poslě čego oni stanuli u gory Sinaj, kde Mojsej polučil Deset zapovědij. Poslě 40 godov putovanja v pustynje Mojsej umrěl na gorě Nebo v vozrastu 120 godov, v ograničenjah vidimosti Zemje Oběčivanoj.

(Čitati dalje...)

Čto jest medžuslovjansky?

[pogled]

Medžuslovjansky jest slovjansky zonalny pomočny jezyk, skonstruovany na osnově občeslovjanskyh gramatičnyh i leksičnyh elementov, ktory služi komunikaciji medžu slovjanami raznyh narodnostij. Dlja neslovjanov medžuslovjansky može takože polniti edukacijnu funkciju. Jezyk jest zakorenjeny i v staroslovjanskom jezyku i v različnyh improvizovanyh narěčjah, ktorymi ljudi v srědiščah s raznorodnym slovjanskym naseljenjem posluživali se črěz stolětja.

Čitati opis v Vikipediji:

Učestvujte!

[pogled]

Vikipedija jest medžunarodna internet-enciklopedija, ktora sili se dati svobodno koristajeme, objektivne i prověrjajeme informacije na vsih uznanyh jezykah. Projekt jest osnovany na peti glavnyh principah. Tuto jest izdanje na medžuslovjanskom jezyku. Prvopočetna versija tutogo vikiprojekta byla započeta 18 junija 2007 goda, 19 lět tomu nazad, po prikladu Vikipedije. Od 23 junija 2026 goda Medžuslovjanska Vikipedija imaje svoj vlastny domen.

Ruky sjedinjajut se — V surabotě trěba mnogo raznyh ljudij

Vsekto može učestvovati i pomagati tvoriti vikipediju. Vy možete legko iztvoriti novy članok, razširjati jestvujuče članky ili izpravjati pogrěšky. Za pravjenje viki ne trěba izkusno vladati medžuslovjanskym; drugi koristniki ohotno budut popraviti vaše pogrěšky. Tekst člankov možno jest čitati i pisati i latiniceju, i kiriliceju.

Poněktore města za ulěpšenje medžuslovjanskoj vikipedije:

Novyh koristnikov viki mogut zainteresovati stranice pomoči, ktore izlagajut o dvoh sposobah izměnjanja viki. Da by izměnjati stranice i skryti IP-adres, trěba iztvoriti konto. Vy možete eksperimentovati v pěskovišču.

Ako vy imajete kakekoli pytanja, problemy, primětky ili prědloženja, postavite jih v krčmě občiny, na našem Diskord-serveru ili v Telegram-čatu.

This Wikipedia edition is written in Interslavic, an auxiliary language intended to be intelligible to speakers of any Slavic language. If you don't know Interslavic, you still can help: learn simplified Interslavic (slovianto), create an account, and start contributing here.